Википедия:Кызыклы фактлар/2020 ел

Инфляция күренешләре акча-товар мөнәсәбәтләренә генә түгел, хәттә Галәмнең үзенә дә хас.
1546 елда төзелгән Гази Касыйм паша мәчете‎ — Венгриядә иң зур госманлы архитектура бинасы.
Аурупа кешесе өчен әлләни аермасы күренмәсә дә, кытай язмасы — иероглифларга нигезләнә, ә корея язмасы — алфавитка.
Инкыйлабка кадәр мәгърифәт үзәге булган Кизләү мәдрәсәсенең таш бинасы әле бүген дә мәктәп буларак хезмәт итә.
Булачак пролетариат юлбашчысы дөньяны бутауның беренче тәҗрибәсен Казан дәүләт университетының актлар залында узган студентлар җыенында ала.
М. Вахитов оештырган Казан мөселман социалистик комитеты 1918 елның җәендә милли республика оештыру мәсьәләсендә Казан большевиклары белән каршылыкка керә.
Магутны Божа җыры турында белоруслар: «Вакыты җиткәч, ул әле дәүләт һимны да булып китәр», дигән фикердә.
Актанышның 1966 елдан билгеле «Агыйдел» дәүләт җыр һәм бию ансамбленең оешу тарихы мәгълүм «Волга-Волга» комедиясендәгечә килеп чыга.
Надежда Кадышева — мукшы халык җырларын иң танылган башкаручы.
Сарымсакның зәһәр исе аңардагы органик сульфидлар (күкерт кушылмалары) белән бәйләнгән.
Татарстанның Кара китабы контрольсез үрчегән инвазив үсемлек төрләреннән торачак.

Зәңгәрсу котып төлкесе җәен төтенсу соры, ә ак котып төлкесе соргылт көрән төстә була.
Сугыш алдыннан Сталин Кырым күперен төзү өчен металл кормаларны Германиядә эшләтергә бирә. Сугыш башлангач, алманнар әзер эшләнмәләр китертеп, бу проектны ашыра да башлыйлар.
2020 елның 22 гыйнварында мәшһүр татар яшьләре газетасы үзенең 100 еллыгын билгеләп үткән.
Татар телендә тәүлек буе эшли торган беренче балалар-яшүсмерләр каналы 2018 елның азагында эфирга чыга.
13 яшьлек вундеркинд Рубик кубигын камилләштергән.
Дала төлкесе төлкеләр арасында иң вагы.
Ислам җәмгыяте Ирландиядә иң тиз үсә торган дини азчылык булып тора.
Җәллад козгын башка кошларның да тавышларын чыгарып сайрый ала.
Дания башкаласы халкының һәр унынчы кешесе — мөселман.
Чуаш язучыларының әдәби журналы Туган Идел дип тәрҗемә ителә.
«Татар» мәчете Финляндиядә баштан ук мәчет буларак төзелгән бердәнбер бина санала.
Финляндия – Аурупада, Австриядән кала, исламны кануни таныган икенче дәүләт.
Голливудның Дан аллеясына ел саен якынча 10 миллион турист килә.
Этләр Антарктидадан башка барлык материкларда да тереклек итәләр.
Румыниядә ислам диненең төп тарафдарлары — Румыния төрекләре һәм Румыния татарлары.
Саам мифологиясендә башка дөнья тереклек ияләренә гномнар караган.
Казан башлыгы хатыны Гөлнар-ханым 1899 елда Парижда Казан ханлыгы тарихына багышланган китабын чыгара.
Табон мәгарәләрен Филипин цивилизациясе бишеге дип тә атыйлар.

Тыва Яңа елында «Саң салыр» йоласы

Казакъ ханының ССРБда беренче язу машинасын ясаган оныкчыгы 30 ел гомерен сөргендә үткәрә.
Көрәш буенча дөнья чемпионы күп санлы сабантуйларда баш батыр калып, 50 автомобиль яулый.
Ишкәкаяклыларның иң якын «туганнары» булып аюсыманнар һәм сусарлар санала.
11 дисктан торучы татар халык һәм һөнәри музыка тупланмасы татар музыкасының бар тарихын колачлауга дәгъва итә.
Сарманда туган генералның Чернобыль афәтен бетерүдәге хезмәте ике орден белән бәяләнгән.
«Көнчыгыш Элизабет Тейлоры» Россиядә «Чалы кошы» фильмындагы Фәридә роле буенча билгеле.
1828 елгы Россия һәм Иран арасындагы килешү Каспий диңгезендә Россияга гына хәрби флот ачарга хокук биргән.
Тыва Яңа елында махсус тергезелгән учакка артыш ботаклары, аннары ак ризык салына.
Сахаларның җәйге торагында эссе көннәрдә һәрчак салкынча, һавасы саф һәм чиста саклана.
Татар артистларын «Аршин мал алан»ны уйнарга өйрәткән азәрбайҗан актеры үз өендә атып үтерелгән.
Татарстанның бер авылында гына уздырылучы ирзә бәйрәмендә «аю тәпие» белән сыйланырга була.
35 ил белгечләрен берләштерүче халыкара оешма сайтында Казанда узачак конгрессы турында татар телендә хәбәр итә.
Беренчесе Сталинга тапшырылган югары бүләкнең соңгысы казакъ җырчысына бирелгәннең икенче көнендә ил таркала.
Риваять буенча, каен себеркесе тулы бер ил халкының яңа дин кабул итүенә этәргеч булган.
Басклар Иленең Бискайя төбәге хөкүмәт башлыклары тарихи имән агачы янына басып ант бирә.